21 手术 (第2/2页)

漠，心头发麻，看到旁边有一个花瓶，拿着花束走到青床边时??想起爸爸离家出走后，mama寂寞哽咽哭泣时，自己站在房门嗌肚饿，而没有回应的一刻??青仍然在偷偷哭泣擦涙，蓝喉咙乾涸，不知从何说起，自顾自插好花束：肚饿吗？我落楼下teen买嘢俾你食？

    青无名火三丈起，伸手一拨将花瓶扫跌，碎片散佈满地，青冷冷地：我唔想见到你??

    蓝呆一下，鼻孔呼一口气，蹲下来收拾碎片：我知你心情唔好！但你都唔使发我脾气架？

    青面红耳热，气喘吁吁，躲在被窝大叫：我唔想见到你啦！你走呀！??

    这刻，蓝不小心被碎片弄伤，心情急转直下，顿时变得很沮丧：咁你係咪想见嗰个新?点解你有咩事都吾同我讲?我要係新口中知道我哋既事？

    青气得弹起床瞪眼义腰反问：你想我同你讲啲乜嘢?问吓你同雪果晚玩得开唔开心?

    蓝悔疚辩驳：果晚我饮大咗，我都唔知发生咩事??

    青盛气凌人：唔係喎？条片影到你好主动？你点会唔知发生咩事啊？

    蓝惭愧歉?：果晚我好唔开心，饮咗好多酒??你冇应承同我结婚，我唔知自己做错乜嘢？?唯一可以解释，点解你有咗bb都唔同我结婚？?除非个bb唔係我??

    青勃然大怒发脾气，拎着杂物摔到蓝面上：吓？你话个bb唔係你？咁会係边个架！？原来你一开始已经怀疑我！

    蓝愤恨咬牙切齿：係你一开始前言不对后语，你一直俾藉口推搪我，乜嘢要返工，乜嘢你妈咪死係手术床，你一开始就已经唔想要个bb，如果唔係你都唔会同新去饮酒??

    青崩溃爆喊一手拉断蓝送的颈链口是心非讲反话：你估我好想唔要个bb啊？係啦！我全部都认啦！我一开始就唔想要个bb，所以我特登去饮酒嘅！全部都係我错哂！你同阿雪就做得啱哂啦！

    蓝面目狰狞：小姐呀！饮醉酒之嘛！发生左依件事我都有责任，但係唔使一下判我死罪呀嘛！我估冇男人会咁戇居，自己偷食完之后，会话比条女听下吗？我諗都諗唔到，阴差阳错，俾你睇到条片???咁我唯有讲，sorry囉！

    一句久违的道歉，蓝竟然说得不慌不忙，大条道理，令青失望到极点，

    青不甘示弱还击：好！sorry囉！我都原谅唔到你，我哋以后唔好见??

    两人争执声惊动了护士，蓝被要求离开病房，蓝怒不可卸，离开时拋下一句：我哋要冷静下??

    蓝转身步向升降机时，含泪闭目，想起mama在痛苦无助时，对他唯一的回应：你返出去！唔好再嘈喧巴闭??

    忽然，蓝眼前一黑，胸口绞痛，在升降机内晕倒，途人立即通知医生护士到场急救??

    新托管着青的随身物品，兼拿着消夜便当，静静地靠在走廊窗边，病房内每一句说话，都听得清清楚楚??

    新反问自己：为别人的女朋友这么上心干嘛？点解咁紧张一个旧同事？

    新内心忐忑，踌躇不定，吸一口气后，拨弄沾湿散乱的头发，装作漫不经心步入病房，瞥见青满面愁容躺在床边，眺望远处白濛濛一片雨景，深灰色的天空，似乎没有一丝阳光????

    新轻轻放下便当，跟护士张罗碗筷后，调好枕头床位高度，将热腾腾的猪红牛rou粥，推到青面前??

    新摸鼻子缩膊头，不慌不忙：啊！我听人讲，猪红同牛rou好补血，如果你有胃口嘅，就食多啲啦??如果唔够既，我去再买吖??

    青心情坏到极点，但仍拎起匙羹，将暖呼呼的粥水往口里送，暖粥与冰冷心灵成了强烈对比，青悲从中来，眼框含着一泡眼泪，告诉自己不要再哭，竭力抑制嘴巴向下弯，反而令自己更加悲伤，凄凉难过，青一边吃一边流眼泪，新静静的坐在一旁，把纸巾放在枱上，没有多馀说话，只有默默陪伴，新看到掉在地上的颈链，瞅一眼青微红的颈痕，一声不响把它拾起，悄悄地放在口袋里??